Черкасск ауылдық округі

Хабарландыру! 

Құрметті Черкасск ауылдық округінің тұрғындары! Черкасск ауылдық округі бойынша 18 мамыр күні жергілікті қауымдастық жиыны өтеді. 

Күн тәртібінде: 1. Петропавловка ауылының атауын өзгерту;  

  1. Соколовка ауылының атауын өзгерту;
  2. Садовое ауылының атауын өзгерту.

Келіп қатысуларыңыз сұралады.  

Черкасск  әкімдігі 

 

Түсіндірме жазба 

Петропавловка ауылының атауын Ақтұма деп өзгерту себебі ауыл ішінен ағатын өзен ауыл маңындағы тұмалардан бастау алады. Сол тұмаларды ауыл тұрғындары күнделікті тұмыстық қажеттіліктеріне қолданады. «Тұмалардың суы әрі таза, әрі шипалы. Су тіршілік көзі демекші тұма біздің тіршілігіміздің көзі» деседі ауыл тұрғындары. 

Садовое ауылын Теректі деп қайта атау көпшілікке мәлім Қойлық-Қарғалы бағытындағы жол бойында ағатын өзен Теректі өзені сол ауылдан бастау алып, Лепсі өзеніне құяды. Табиғаты тамаша Садовое ауылына терек ағаштары да өзіндік көркін беріп тұр. 

Соколовка ауылын Ешкіөлмес деп қайта атау ауыл Ешкіөлмес жотасының бөктерінде орналасқан. Аңыздарға сүйенсек, Ешкіөлмес жотасы жергілікті көшпелі қазақ халқының қыстауы болған. Қысты күні жоталар арасы жылы болып, төрт түлік малды бораннан қорғаған деседі. Осындай ескі атауын қайта жаңғырту бүгінгі ұрпақтың еншісінде.  

 

Черкасск ауылдық округі 
Айтжанов Мақсат Нұрахметұлы Черкасск ауылдық округінің әкімі 
Аскербек Тлеужан Черкасск ауылдық округі әкімі аппаратының бас маманы 
Нурпейсова Анар Серікқалиқызы Черкасск ауылдық округі әкімі аппаратының бас маманы 
Темірханова Анар Шәкенқызы Черкасск ауылдық округі әкімі аппаратының бас маманы 
Ахашова Гулнар Дүйсенханқызы Черкасск ауылдық округі әкімі аппаратының бас маманы 
Бекбулатова Нагима Есқалиқызы Черкасск ауылдық округі әкімі аппаратының бас маманы – есепші 
Юдина Елена Александровна Черкасск ауылдық округі әкімі апппаратының жетекші маман-салық инспекторы 
Исаев Рустем Русланұлы Черкасск ауылдық округі әкімі аппаратының жетекші маман 

 

Черкасск ауылдық округі бойынша 18 мамыр 2018 жылы Қарғалы ауылы М. Тынышбаев атындағы орта мектепте жергілікті қауымдастық жиыны өтті. Күн тәртібінде 1. Соколовка ауылының атауын өзгерту; 2. Садовое ауылының атауын өзгерту; 3. Петропавловка ауылының атауын өзгерту.  

Жиынға 21 жергілікті қауымдастық мүшелері және 165 ауыл тұрғындары қатысты. Күн тәртібіндегі мәселелерді толыққанды талқылап, төмендегі шешімді мақұлдады. 

Күн тәртібіндегі мәселелер бойынша төмендегідей шешім қабылданды: 

Соколовка ауылын-Ешкіөлмес, Садовое ауылын-Теректі, Петропавловка ауылын-Ақтұма деп қайта атау туралы ұсыныс қабылдансын. Тиісті құжаттар жинақталып, аудандық мәслихаттың қарауына ұсынылсын. 

 

 

 ЖОБА

 

Алматы облысы, Сарқан ауданы Черкасск ауылдық округінің ауылдарының атауларын қайта атау туралы ұсынысты облыстық ономастика комиссиясы қарауына енгізу туралы

 

Қазақстан Республикасының “Қазақстан Республикасының әкімшілік-аумақтық  құрылысы туралы” 1993 жылғы 8 желтоқсандағы  Заңы 14-1 бабына, Қазақстан Республикасы Үкіметінің 2014 жылғы 24 ақпандағы «Әкімшілік-аумақтық бірліктерге, елді мекендердің құрамдас бөліктеріне атау беру, оларды қайта қайта атау, сондай-ақ олардың атауларының транскрипциясын нақтылау мен өзгерту кезінде тиісті аумақ халқының пікірін ескеру қағидаларын бекіту туралы» №138 қаулысына сәйкес, Черкасск ауылдық округі халқының пікірін ескеру қорытындылары бойынша, Сарқан ауданының мәслихаты ШЕШІМ ҚАБЫЛДАДЫ және Сарқан ауданының әкімдігі ҚАУЛЫ ЕТЕДІ:  

1.Черкасск ауылдық округіне қарасты Садовое ауылын Ешкіөлмес, Соколовка ауылын Теректі, Петропавловка ауылын Ақтұма ауылы деп атауларын өзгерту туралы  ұсыныс облыстық ономастика комиссиясының қарауына енгізілсін.

2.Осы бірлескен шешім мен қаулының орындалуын бақылау   Сарқан ауданы әкімінің орынбасары Ғ.Маманбаевқа жүктелсін.

 

 

 

Сарқан ауданы мәслихаты                          Сарқан ауданының әкімі

сессиясының төрағасы       

______________Т.Доғоманов                     _____________ Е.Қошанбеков

 

 

Сарқан ауданы мәслихатының хатшысы

_____________________Қ.Абдрахманов

 

 

 

 

Бейне роликтер