Хабарлама

Қазақстан Республикасы Бас Прокурорының бірінші орынбасары Б.Н. Асыловтың «Прокуратура туралы» Заңның 31-бабы тәртібінде үндеуі
  • 20.09.2019


ҚҰРМЕТТІ АЗАМАТТАР!

Әлеуметтік желілерде тыйым салынған және сотпен экстремисттік деп танылған «Қазақстанның демократиялық таңдауы» ұйыммен 2019 жылғы
21 қыркүйекте заңсыз наразылық акцияларын өткізуге және оған қатысуға шақыру таратылуда.
Деструктивті күштер әлеуметтік қолдау шаралары, мемлекетаралық қатынастар туралы жалған ақпарат тарата отырып, халықты адастырып тәртіпсіздіктерді, әлеуметтік және ұлттық араздықты тудыру арқылы қоғамдық қауіпсіздікке қауіп төндіреді.
Мұндай әрекеттерге заңмен тыйым салынған, сондықтан құқық қорғау органдары заң бұзушыларға заңмен белгіленген тәртіпте ден қойып, қатаң шаралар қолданатын болады.
Құқық бұзушылықтардың алдын алу, заңсыз әрекеттерге жол бермеу, қоғамдық қауіпсіздікті қамтамасыз ету және азаматтардың құқықтарын қорғау мақсатында Қылмыстық кодексте жауаптылық қарастырылғанына назар аударамыз:
– 174-бапта әлеуметтік, ұлттық, діни араздықты қоздырғаны үшін, сондай-ақ оларды насихаттайтын материалдарды дайындағаны, таратқаны үшін (егер олар ауыр зардаптарға әкеп соқса, 20 жылға дейін бас бостандығынан айыру мүмкін);
400-бапта азаматтардың, ұйымдардың немесе мемлекеттің құқықтары мен заңды мүдделеріне айтарлықтай зиян келтіргені үшін (200 АЕК-ке дейін айыппұл немесе 50 күнге дейін қамауға алу);
Әкімшілік құқық бұзушылық туралы кодекстің 488-бабында бейбіт жиналыстарды, митингілерді, шерулерді, пикеттер мен демонстрациялар ұйымдастыру мен өткізу ережелерін бұзғаны үшін жауапкершілік қарастырылған (ауырлататын жағдайларда – 50 АЕК айыппұл, 15 күнге дейін қамауға алу қаралған).
Құрметті азаматтар, Бас прокуратура сонымен бірге экстремистік ұйымның қызметіне қатысу және қаржыландыру Қылмыстық кодекстің 182, 258 және 405-баптарына сәйкес қылмыстық жауаптылыққа әкеп соқтыратынын түсіндіреді:
– 405-бапта экстремистік ұйымның қызметіне қатысқаны үшін (2 жылға дейін бас бостандығынан айыру);
– 158-бапта экстремистік топ құру, оған басшылық ету немесе оның қызметіне қатысу үшін (мүлкін тәркілеумен 17 жылға дейін бас бостандығынан айыру);
– 258-бапта террористік немесе экстремистік әрекетке дем берушілік және терроризм мен экстремизмнің басқа да жолдарын қаржыландыру үшін (мүлкі тәркіленіп 12 жылға дейін).
Сонымен қатар, қатысу дегеніміз тек заңсыз әрекеттерді ұйымдастыру және жүргізу ғана емес, сонымен бірге тыйым салынған ұйым идеяларын үгіттеу, насихаттау, жариялау, буклеттер, посттар, пікірлер және басқа да ақпараттық материалдарды даярлау, шығару және тарату болып табылады.
Қаржыландыру дегеніміз – ақшаны немесе басқа мүлікті беру, жинау, сыйлық жасау, ауыстыру, демеушілік, қайырымдылық көмек, ақпарат және басқа да қызметтер көрсету саналады.
Сонымен бірге, қолданыстағы заңнамаға сәйкес экстремистік топтың қызметіне қатысуды ерікті түрде тоқтататын адамдар қылмыстық жауапкершіліктен босатылады.
Жоғарыда аталғандарды ескере отырып, Бас прокуратура азаматтарды заңдарды қатаң сақтауға, арандатушылыққа бой алдырмауға және елімізде тыйым салынған ұйымдардың заңсыз әрекеттері мен қызметіне қатыспауға шақырады.

«БЖЗҚ» АҚ «Ашық есік күніне» шақырады
  • 14.09.2019

Тақырып: «Ерікті зейнетақы жарналары – өзіңіздің және жақындарыңыздың қамын ойлаңыз»

 

2019 жылғы 20 қыркүйекте сағат 10:00-ден 17:00-ге дейін «БЖЗҚ» АҚ Алматы облыстық филиалы Талдықорған қаласы, Жансүгіров 149 мекенжайында «Ашық есік күнін» өткізеді.

 

«Ашық есік күні» аясында «БЖЗҚ» АҚ филиалдарының мамандары ерікті зейнетақы жарналары бойынша насихаттау жұмысын жүргізеді.

Қор мамандары өз зейнетақы капиталын қалыптастыру маңызы туралы және ерікті зейнетақы жарналарының келешек зейнетақыға әсері туралы айтып береді.

Ниет білдірушілердің барлығы басты күн тәртібі бойынша ғана емес, зейнетақы жүйесінің қызметі мен жеке салымдарға қатысты басқа тақырыптар бойынша да жауап ала алады.

 

«БЖЗҚ» АҚ өз салымшыларын, алушыларын және ниет білдірушілердің барлығын «Ашық есік күнінде» күтеді!

ПРЕЗИДЕНТТІК ЖАСТАР КАДР РЕЗЕРВІНЕ ІРІКТЕУ БАСТАЛДЫ
  • 11.09.2019

Президенттік жастар кадр резервіне өтінімдерді қабылдау басталды.

Құжаттарды қабылдау үшін автоматтандырылған онлайн-платформа іске қосылды.

Онлайн-платформаны қолдану жеңіл әрі өте ыңғайлы.

Үміткер сайттың басты бетінде  Президенттік жастар кадр резервінің іріктеуіне қатысты  мағлұматты инфографика арқылы біле алады. Онда іріктеуге кімдер қатыса алатындығы, уақыты мен іріктеу кезеңдері жазылған.

Тіркеу тәртібі барынша жеңілдетілген.

Үміткерге міндетті түрде өзінің жеке мәліметтерін, аты-жөнін, тегін, ЖСН, іріктеу кезеңдерінен өтуге қолайлы тілді таңдап өзінің ұялы телефоны мен электронды поштасын көрсету қажет.

Сонымен қатар ақпараттарды өңдеп сақтау туралы келісіммен танысып, тиісті талаптарды қабылдауы керек.

Талаптарды қабылдамайынша үміткер Президенттік жастар кадр резервіне қатыса алмайды.

Президенттік жастар кадр резервіне қатысу үшін үміткерлерге бар болғаны  PKRezerv.kz. сайтына тіркелу қажет.

Құрметті Сарқан ауданының тұрғындары!
  • 5.09.2019

Алдағы 2019-2020 жж. жылыту маусымына дайындық шараларын жүргізу аясында, күз айларында жылу беру кәсіпорындарына көмірді жеткізу жұмыстары атқарылады, ол коммуналды-тұрмыстық көмірді тасымалдаушы вагондар санының қысқаруына әкеп соғады.

Осыған орай, жылыту маусымында көмірдің жетіспеушілігін және әлеуметтік шиеленісті болдырмау мақсатында, Сарқан ауданы әкімдігі қатты отынның қажетті мөлшерін көмір тұйықтары мен қоймаларынан алдын-ала жаз уақытында сатып алу керектігін ескертеді.

 

 

Хабарлама
  • 2.09.2019

Бүгін Қасым-Жомарт Кемелұлы Тоқаев тұңғыш рет Парламент палаталарының бірлескен отырысында, Қазақстан Республикасының Президенті ретінде Қазақстан халқына Жолдауын жариялайды.


Дәстүр бойынша, Жолдауда ішкі саяси мәселелер, мемлекеттік институттардың рөлін нығайту, азаматтардың құқықтары мен бостандықтарын қорғау, экономиканы жаңғырту, халықты әлеуметтік қамсыздандыру мәселелері қамтылады.
Жолдауда Мемлекет басшысының сайлауалды бағдарламасында көрсетілген ұсыныстары мен бастамалары да айтылады деп ойлаймын. Президент бұған дейін де, құжатта еліміздегі кейбір мәселелерге қатысты заңнамаларға өзгерістер енгізу туралы нақты тапсырмалар болатынын айтқан еді.
Қ.К.Тоқаевтың Жолдауы Парламент мүшелері үшін де, жалпы қоғамның дамуы үшін де алдағы кезеңде атқарылуы тиіс жұмыстарға нақты бағыт-бағдар болатынына сенімдімін.

Жолдау бүгін сағат 11:00-де Парламент палаталарының бірлескен отырысында жарияланады. Сағат 15:00-де барлық республикалық телеарналардан көруге болады.

 HILL CLIMB (тауға көтерілу) дисциплинасы бойынша “Жетісу Тур-Эндуро-2019” (На пределе ) мотоцикл спортынан Қазақстан Республикасының кубогін   ұйымдастыру және өткізу.
  • 13.08.2019

2019 жылы 24 тамызда «Hill CLIMB» (Тауға көтерілу) дисциплинасы бойынша Текелі қаласында “Жетісу Тур-Эндуро-2019”, мотоцикл спорты бойынша Қазақстан Республикасының Кубогын өткізу жоспарлануда.

ҚР Кубогының жарысы – мотоциклдер мен квадроциклдерде жолсыздық бойынша жылдамдыққа, уақытқа және төзімділікке шыңдалатын  бір күндік жарыс. Сайыстар бірнеше айналымдардан тұрады, соның ішінде: тауға көтерілу, төмен түсу, кез келген ауа райы жағдайында табиғи және жасанды кедергілерден өту.

Мақсаты мен міндеттері:

– оқиғалы туризмді насихаттау және облыстағы туристік ағымдыұлғайту.

-халықтың күнделікті өміріне мото-туризмді енгізу;

– мото туризммен айналысуға тарту арқылы әуесқойлар арасында мото-туризмді насихаттау;

– бос уақытты өткізу және салауатты өмір салтын насихаттау нысаны ретінде спорттық туризмнің техникалық түрлеріне жастардың назарын аудару.

Ұйымдастырушылар

«Жетісу-Тур-Эндуро» мотоцикл жарысы Алматы облысының туризм басқармасының ұйымдастыруымен өткізіледі.

Жарысты тікелей өткізу “ADVENTURE LIVE” қоғамдық бірлестігіне жүктеледі, жауапты тұлға: Артющенко А. Н.

Өткізілу кестесі

8.00-9.00 қатысушыларды старт орнында Жинау

9.00 -10.00 Медициналық және техникалық комиссиядан өту

10.00-10.30 ресми жаттығу

10.45-11.30 жарыстың ашылуы

12.00-16.30 ресми кіру

16.30-18.00 нәтижелерді бекіту, қатысушыларды марапаттау

 

Тіркелу және жарысқа қатысу туралы бойынша байланыс телефондары:

 

Артющенко Александр (“ADVENTURE LIVE»)

+7(705) 448 80 88

 

Мырзағұлов Рауан (туризм басқармасы)

+7 (707) 437 88 91

Бейне роликтер