Хабарлама

Ақпарат және қоғамдық даму министрлігі 2020 жылғы   1 шілдеден бастап ҮЕҰ-ға арналған сыйлықақыны беру үшін өтінімдерді қабылдайды.
  • 9.07.2020

Қазақстан Республикасы Ақпарат және қоғамдық даму министрлігі үкіметтік емес ұйымдарға арналған сыйлықақыны беруге келесі бағыттар бойынша конкурс өткізу туралы хабарлайды:

1) білім беру, ғылым, ақпарат, дене шынықтыру және спорт саласындағы мақсаттарға қол жеткізу;

2) азаматтардың денсаулығын сақтау, салауатты өмір салтын насихаттау;

3) қоршаған ортаны қорғау;

4) жастар саясаты мен балалар бастамаларын қолдау;

5) отбасылық-демографиялық және гендерлік мәселелерді шешуге жәрдемдесу;

6) халықтың әлеуметтік тұрғыдан осал топтарын қолдау;

7) жетім балаларға, толық емес және көп балалы отбасылардағы балаларға көмек көрсету;

8) халықты еңбекпен қамтуға жәрдемдесу;

9) азаматтар мен ұйымдардың құқықтарын, заңды мүдделерін қорғау;

10) мәдениет пен өнерді дамыту;

11) тарихи-мәдени мұраны қорғау;

12) қоғамдық келісімді және ұлттық бірлікті нығайту;

13) өздерінің есебінде тұрған адамдарға әлеуметтік-құқықтық көмек көрсету кезінде пробация қызметтеріне жәрдемдесу;

14) мемлекеттік қызметтер көрсету сапасына қоғамдық мониторинг жүргізу;

15) азаматтық қоғамды дамытуға, оның ішінде үкіметтік емес ұйымдар қызметінің тиімділігін арттыруға жәрдемдесу.

Байқауға Қазақстан Республикасында тіркелген және Үкіметтік емес ұйымдардың дерекқорына мәліметтер ұсынған үкіметтік емес ұйымдар қатыса алады.

Бір үкіметтік емес ұйым бір номинациядан артық сыйлықақыны алуға  ұсыныла алмайды. Сыйлықақы алғаннан кейін үш жыл ішінде оны алу үшін қайта ұсынуға жол берілмейді.

Бір номинация бойынша сыйлықақы бір немесе бір мезгілде бірнеше үміткерге берілуі мүмкін. Бұл жағдайда сыйлықақы олардың арасында тең бөлінеді.

Сыйлықақыны алу үшін өтінімді ұсынуға арналған тізбе мыналарды қамтиды:

1)   Қағидаларға 1-қосымшаға сәйкес нысан бойынша үкіметтік емес ұйымдарға арналған сыйлықақы беру конкурсына қатысуға өтініш;

2)   Қағидаларға 2-қосымшаға сәйкес сыйлықақыға үміткердің сауалнамасы;

3)   Қағидаларға 3-қосымшаға сәйкес сыйлықақыға үміткердің қызметі туралы сипаттама (растайтын материалдармен бірге);

4)   соңғы 3 (үш) жыл ішінде ұсынылған бағыт бойынша іске асырылған жобаларды және бірлескен жұмыс барысында қол жеткізілген нәтижелерді растау мақсатында байланыс деректері көрсетілген қоғамдастық (үкіметтік емес ұйымдар) және (немесе) мемлекеттік органдар өкілдерінің ұсынымдары (екіден кем емес);

5)   үкіметтік емес ұйымдарды мемлекеттік тіркеу (қайта тіркеу) туралы құрылтай құжаттарының және куәлiгiнің (анықтаманың) көшірмелері;

6)   банк шотының болуы туралы анықтама (түпнұсқа).

Сыйлықақыны алу үшін үкіметтік емес ұйымдарды ұсыну жөніндегі өтінімдер Қазақстан Республикасы Ақпарат және қоғамдық даму министрлігінің Азаматтық қоғам комитетіне қағаз және электронды жеткізгіштерде (СD-дискілерде не USB-флеш-жинақтағыштарында DOC, DOCX, Pdf форматында) 2020 жылғы 1 шілдеден бастап 1 қыркүйек аралығында келесі мекенжай бойынша қабылданады: Нұр-Сұлтан қаласы, Мәңгілік Ел даңғылы 8, «Министрліктер үйі» ғимаратының 15-кіреберісі, Анықтама телефондары: +7 (702) 376 84 00, +7 (708) 777 71 08, +7 (7172) 74-09-97

 

           Қағидаға сілтеме http://adilet.zan.kz/kaz/docs/V1800017041

Құрметті Алматы облысының мемлекеттік қызметшілері!
  • 26.06.2020

«Рухани жаңғыру» бағдарламасын жүзеге асыру, жаңа формациядағы мемлекеттік қызметшілердің жоғары кәсібилігін жария ету мақсатында Алматы облысының ішкі саясат басқармасы Алматы облысы бойынша «Рухани жаңғыру» жобалық кеңсесімен бірлесе мемлекеттік қызметшілер арасында «Алматы облысының мемлекеттік қызметтегі 100 тұлғасы» атты фотобайқауды іске қосады.

📌Фотобайқауға қатысу ережелері мен шарттары:
1️⃣ Қатысушылардың мемлекеттік қызметші болуы міндетті.
2️⃣ Фотобайқауға қатысатын мемлекеттік қызметшінің 2 фотосуреті қабылданады және фотоматериалдар мемлекеттік қызметшіні іс-әрекетте (жұмыс барысында, азаматтарға қызмет немесе көмек көрсету кезінде, сондай-ақ, жұмыстан тыс бос уақытын тиімді пайдалану уақытында) көрсетуі тиіс.
3️⃣ Жұмыс авторлары фотосуреттерді жасау кезінде техникалық құралдарды таңдауда шектелмейді.
4️⃣ Қатысушылардың әлеуметтік желілердегі аккаунттары байқау аяқталғанға дейін ашық болуы қажет.
5️⃣ Қатысушылар Instagram әлеуметтік желісіндегі біздің @ruh7su, @visitzhetysukz және @vip_zhetysu аккаунттарымызға тіркелуі міндетті;
6️⃣ Байқау қатысушылары жеке аккаунттарында фотобайқау талаптарына сай келетін фотосуреттерді жариялап, біздің @ruh7su аккаунтымызды белгілеуі қажет;
7️⃣ Инстастористе фотосуреттермен бөлісе отыра, біздің @ruh7su аккаунтымызды белгілеу қажет;

📷 Байқауға қатысуға ниет білдірген мемлекеттік қызметшілердің фотосуреттері 2020 жылдың 2 шілдесіне дейін қабылданады.

✅ Байқаудың әр қатысушысына реттік нөмір беріледі.

❗ Байқау жеңімпаздары 3 шілде күні Instagram әлеуметтік желісінде тікелей эфир арқылы кездейсоқ сандардың генераторымен анықталады.
🎁 Қорытындысы бойынша жеңімпаз атанған 3 қатысушыға бағалы сыйлықтар және алғыс хаттар табыс етіледі.

БАРЛЫҚТАРЫҢЫЗҒА СӘТТІЛІК!🍀

#Фотобайқау
#Алматыоблысы

Аудан тұрғындарының назарына!
  • 15.06.2020

 Ағымдағы жылдың 15-18 маусым аралығында аудан аумағында “Отбасындағы зорлық-зомбылыққа жол жоқ!” атты республикалық акция өткізіледі. Акцияның мақсаты – тұрмыстық зорлық-зомбылықтың алдын алу және жолын кесу, ана мен баланы қорғау, қоғамдағы отбасының рөлін нығайту бойынша қабылданып жатқан шаралар туралы халықты ақпараттандыру. Егер де Сіз немесе Сіздің жақындарыңыз отбасында зорлық-зомбылық құрбаны болса, сондай-ақ, Сіз отбасындағы зорлық – зомбылықтың куәгері болсаңыз Сарқан ауданының полиция бөлімінің 102 номерена хабарласуға,сондай-ақ, отбасындағы зорлық-зомбылықты тоқтату, көмек алу және қауіпсіз панада тұру үшін Талдықорған қаласындағы Дағдарыс орталығының 8-7282-28-00-05 телефонына да хабарласа аласыз. Сонымен қатар, Қазақстан Республикасының барлық аумағында “105” сенім телефоны ( тәулік бойы, тегін, құпиялылық сақталады) қызмет көрсетеді.

Құрметті Сарқан ауданының тұрғындары!
  • 1.06.2020

Сарқан аудандық полиция бөлімінің бастығының міндетін атқарушы полиция подполковнигі Самбеталинов Елтай Сабитович 01-ші маусым сағат 15:00-ден 16:00-ге дейін https://instagram.com/sarqan_aydanynyn_akimdigi?igshid=lj5yraaaf2sw инстраграм  парақшасында тікелей эфирге шығады. Сарқан ауданындағы құқық бұзушылықтың және қылмыстың алдын алу тақырыбында сұхбат жүргізеді.

Ауыл шаруашылық тауар өндірушілердің назарына!!!
  • 28.04.2020

Қазақстан Республикасы Ауыл шаруашылығы министірінің 2015 жылғы 6 сәуірдегі № 4-4/305 бұйрығына сәйкес «Тыңайтқыштардың құнын (органикалық тыңайтқыштарды қоспағанда) субсидияның бекітілген ережесі бойынша 7–тармақ 7) тармақшасында көрсетілген ауылшаруашылығы тауарын өндірушілерге жер пайдалану және (немесе) жеке меншік құқығында тиесілі ауыл шаруашылығы мақсатындағы жер учаскелерінің тыңайтылатын алқабына арналған алтыдан кем емес агрохимиялық көрсеткіш (қарашырык, су немесе тұз сүзіндісінің сутегі көрсеткіші (рН), нитраттық, жеңіл гидролиздендіргіш неемесе сілтілі гидролиздендіргіш азот, фосфордың, калий мен күкірттің жылжымалы нысандарды) бойынша электрондық агрохимиялық картограмманы субсидиялаудың ақпараттық жүйесінде тіркеу деп көрсетілген.

Бұл тармақ 2021 жылдың 1 қаңтарынан қолданысқа енгізіледі.

Осыған байланысты, «Сарқан аудандық ауыл шаруашылығы бөлімі» мемлекеттік мекемесі Сіздерге ауыл шаруашылық тауар өндірушілерге биылғы жылы міндетті түрде агрохимиялық талдау жасауларыңыз қажет.

«Сарқан аудандық ауыл шаруашылығы бөлімі» мемлекеттік мекемесінің бас маманы тұқым инспекторы Ғ. Батырбекова.

Хабарлама
  • 10.04.2020

Жергілікті бюджеттік бағдарламалардың әкімшілері 2021-2023 жылдар аралығына  бюджеттік  өтінімдерді толық көлемде «Сарқан аудандық экономика және бюджеттік жоспарлау бөлімі» мемлекеттік мекемесіне  ағымдағы қаржы жылының 13 мамырына тапсырыңыздар. Ашық бюджет порталына 2020 жылдың 13 мамыр айына дейін тіркеліп сілтемелерін тапсырыңыздар.

Бейне роликтер