• Нәдірбаев Мейіржан Балтабайұлы

    Дипломмен ауылға бағдарламасы бойынша
    Менің сұрағым төмендегіше:
    мен үстіміздегі 2020 жылы ЖОО-нын, нақтырақ айтқанда дәрігерлік сала бойынша “сот медициналық сараптама” мамандығы бойынша тәмәмдаймын. Жұмысқа орналасуға Алматы облысы бойынша сот-сараптамалары институтына сұраныс хат жібергенмін. Институт сұранысымды қанағаттандырып, Алматы облысы бойынша сот-сараптамалары институтының Саркандтағы филиалынан жұмыс ұсынып отыр. Мен “Дипломмен ауылға программасымен” көтерме жәрдемақы және жергілікті жерден тұрғын үй алуға немесе құрылысқа несие ала аламын ба? Тұрғылықты жер бойынша тіркеуде Шымкент қаласындамын, ЖОО нын Семей медициналық университетінде тәмәмдағалы жатырмын. Осы сұрақ бойынша толық ақпаратты жергілікті әкімшіліктің қай бөлімінен білуге болады? Қажетті құжаттар тізімімен оларды жинау реттілігін білейін деп едім?

    • 22 05 2020
    Жауапты көру

    Сарқан ауданы әкімдігі Сіздің 2020 жылдың 21 мамырдағы  «Дипломмен ауылға» бағдарламасы бойынша сұрағыңызға келесідей жауап жолдайды:  ауылдық елдi мекендерге жұмыс iстеуге және тұруға келген денсаулық сақтау, бiлiм беру, әлеуметтiк қамсыздандыру, мәдениет, спорт және агроөнеркәсіптік кешен саласындағы мамандарға әлеуметтiк қолдау шаралары көрсетіледі. Сарқан қаласы аудандық маңызы бар қала болғандықтан Сіз  «Дипломмен ауылға» бағдарламасы бойынша көмек ала алмайсыз.

  • Джолдасов Сарсембай Тасбулатович жер мәселесі

    Менің Сізге өтініш жазу себебім, 2009 жылғы 14 желтоқсандағы аудан әкімі С. Бекішовтің № 362 қаулысында 2008 жылғы 21 ақпандағы менің ноториат куәландырылған өтінішім негізінде Черкасск ауылындағы 24,5 га суарылмайтын егістік жерді иесіз мүлік ретінде тіркеуге қойылған. Алайда ұаулыда сілтеме жасалған өтініш менің тарапымнан берілмеген (жазылмаған). Осы жоғарыда көрсетілген негізде Черкасск ауылындағы 24,5 га егістік жер 2008 жылдан бері иесіз мүлік ретінде тіркелгендіктен, ешкім қолданбай отыр. Осыған орай өз жеке меншігімде тұрған жерді қайтарып беруге ықпал етуіңізді сұраймын.

    • 22 05 2020
    Жауапты көру

       Сізге Сарқан ауданы әкімиятының 2005 жылғы 1 қыркүйектегі № 348 қаулысымен Черкасск ауылдық округіндегі ауданның жер қорының жерінен шаруа қожалығын жүргізу үшін жалпы көлемі 24,5 га суарылмайтын егістік жер уақытша 49 жылға жалға пайдалануға берілген болатын.

           2008 жылғы 21 ақпандағы нотариаттық куәландырылған өтінішті негізге алып бір жыл иесіз мүлік ретінде тіркеуде тұрғанына байланысты Сарқан ауданы әкімдігінің 2009 жылғы 14 желтоқсандағы № 362 қаулысымен Джолдасов Сарсембай Тасбулатовичке қарасты Сарқан ауданы әкімиятының 2005 жылғы 1 қыркүйектегі № 348 қаулысының күші жойылды шаруа қожалығын жалпы көлемі 24,5 га суарылмайтын егістік жері мемлекеттік меншігіне түсті деп танылды.

           Осыған байланысты, аталған жер учаскесі мемлекеттік меншігінде болғандықтан Қазақстан Республикасы Жер кодексінің (бұдан әрі ҚР ЖК)  43-1-бабына сәйкес мемлекеттік меншіктегі жер учаскелерді шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалдау) құқығымен беру шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалдау) құқығын беру, осы бапта белгіленген тәртіппен және шарттарда жүзеге асырылады.

             Сонымен катар, ҚР ЖК 48-бабына сәйкес бос жер учаскелері конкурстық негізде, сондай-ақ ерекше жағдайларда берілетіндігін ескертеміз.

             Қазақстан Республикасының «Жеке және заңды тұлғалардың өтініштерін қарау тәртібі туралы» Занының 14 бабының 6 тармағына сәйкес қабылданған шешімге шағым жасау құқықтарыңыз бар екенін хабарлаймыз.

  • Көшербаев Болат Рыскельдинович

    Бүгінгі күні мен мемлекеттік қызметтемін, от басыммен Алматы облысына қоныс аударуыма байланысты Сарқан ауданынан менің лауазыма тең жұмысқа ауысуға мүмкіндік болама. Менің қазіргі лауазымым ауылдық округ әкімі, Қарағанды облысында.

    • 18 05 2020
    Жауапты көру

    Сарқан ауданы бойынша бүгінгі күнге сіздің лауазымыңызға тең болатын бос орындар (округ әкімдері және бөлім басшылары) жоқ екенін хабарлаймыз, қазіргі уақыттағы бос лауазымдар туралы ақпаратты аудандық ресми сайттан көре аласыз. Бос лауазымға конурс арқылы қабылданады.

                         Персоналды басқарудың бірыңғай қызметі

                         (кадр қызметі) бөлімшесі

  • Оқап Сағдат – Рүқсатты қайдан аламын!

    Сәлеметсіздерме?мен бақалы ауылының түрғынымын, қолмдағы жем-шөп қорымның таусылуына байланысты атқорымдағы малдарымды Алматы қаласына алып барайын деп едім, ауылдық әкімдік жол жұру рүқсат қағазын беру мерзімінің айақталғанын ескертті, енді мен Рүқсат қағазынсыз Алматы қаласына өз малдарымды жеткізе аламынба?немесе рүқсатты қайдан аламын?
    сүрақ қойюш, Оқап Сағдат

    • 3 05 2020
    Жауапты көру

    Сәлеметсізбе!?
    Сіздің сұрағыңыз бойынша төмендегідей жауап жолдаймын. Сіз ауданлық ауыл шаруашылық бөліміне барып немесе бөлім басшысы Жандос Талғатұлына хабарлассаңыз болады. Рұхсат қағазын жасап береді.
    Телефон номерлер: 8(72839)21601   8(72839)21641  87022880839

  • Абай

    Сарқан ауданынан егін егуге жер табыла ма?Табылса оны қалай арендаға ала аламын?

    • 15 07 2019
    Жауапты көру

    Қазақстан Республикасының Жер кодексінің 48 бабына сәйкес, мемлекеттiк меншiктегi жер учаскелерiне құқықтарды сауда-саттықта (конкурстарда, аукциондарда) жүзеге асырылатынын хабарлаймын.

    Сонымен қатар: Жер учаскесі немесе жер учаскесін жалдау құқығы:

    инвестициялық жобаларды іске асыру үшін;

    халықаралық шарттарға сәйкес шет мемлекеттерге және халықаралық ұйымдарға;

    жайылымдық және шабындық алқаптарды халықтың жеке ауласын ұстау, сондай-ақ бақша өсіру жөніндегі мұқтажын қанағаттандыру мақсатында пайдалану үшін;

             Қазақстан Республикасының инвестициялар саласындағы заңнамасына сәйкес жасалған келісім-шарттың негізінде мемлекеттік заттай гранттар ретінде;

             Қазақстан Республикасының арнайы экономикалық аймақтар туралы заңнамасына сәйкес арнайы экономикалық аймақтың қатысушысына, дербес кластерлік қорға және басқарушы компанияға;

             инвестициялық және инновациялық жобаларды іске асыру үшін ұлттық компания мәртебесі бар әлеуметтік-кәсіпкерлік корпорацияларға;

             индустриялық-инновациялық жобаларды іске асыру үшін индустриялық-инновациялық қызмет субъектілеріне;

    шаруашылық серіктестігінің немесе өндірістік кооперативтің қатысушыларына (мүшелеріне) олар осы Кодекстің 101-бабының 3-тармағына сәйкес қатысушылар (мүшелер) құрамынан шыққан кезде;

    Республикалық ақпарат құралдарында конкурс, аукцион өтетіні жөнінде хабарлама жарияланған соң конкурсқа қатысуға өтініш беруге құқылысыз.     

  • Серикбаева Гульмира

    “Дипломмен ауылға” бағдарламасы жайында
    2012 жылы “Дипломмен ауылға” бағдарламасы бойынша ауылға жұмысқа орналасып, алғашқы қайтарымсыз ақшалай көмекті алдым, бірақ үй алуға берілетін несиені алмап едім. Енді сол несиені алуға мүмкіндігім бар ма?

    • 3 04 2019
    Жауапты көру

    Сіз Дипломмен ауылға жобасы аясында стандартқа сәйкес құжаттарынызды жинап, тамыз айында  бюджеттік несие алуыңызға болады.

  • Гауһар Сұлтанқызы

    Салеметсізба Марат Мелісұлы. Толық емес семьяларға мемлекет тарапынан тұрғын үй алуға қандайда бір көмек барма? Бар болған жағдайда оған қандай құжаттар қажет? Мәселен менің екі балам бар. 2005жылы туылған ұл және 2006 жылы туған қызым бар. 2007жылы негізі бар себептермен заңды некені бұзуға тура келді. Бірақ мемлекет тарапынан берілетін пособияны да ала алмадық. Доход асып кетті деп атайды. Ол кездері мен декреттік демалыста ешқандай доходсыз бала бағып отырған едім. Енді осы Сарқан қаласынан бір үй ала алсақ деп ойлаймын.

    • 29 10 2018
    Жауапты көру

    Сәлеметсізбе! Сіздің аудан әкімінің сайтына жазған хатыңызды мұқият қарастырып, Қазақстан Республикасы Үкіметінің 1999 жылғы 2 қыркүйектегі «Жергілікті атқарушы органдардың қарамағындағы мемлекеттік тұрғын үй қорынан үй-жай беру, жалдау және пайдаланудың тәртібі туралы» №1292 Қаулысының 3 бабына сәйкес, Халыққа қызмет көрсету орталығына тиісті құжаттарды өткізіп тізімге тіркеле аласыз және тіркелген соң кезекке сәйкес тұрғын үй берілетінін ескертеміз. Қандай құжат тізімдері керектігі жайлы ақпартты сол жерден ала аласыз.

     

     

     

  • Касымгалий Әйгерім Маратқызы

    Құрметті Ерғазы Қошанбек ұлы.Мен Сарқан қаласының Балуан шолақ көшесінің тұрғыны сізден бір сұрауымыз бар.2018 жылдын басында кошемизде жөндеу жұмыстарын жүргізуін сураганбыз.Сіз жакын арада жонделеді ақшасы бөлінді тас тосемелер тосеп жұмыстары жүреді деген кагазын беріп единиз.Казіргі танда жөндеу жұмыстары жүргізілмейді.Осы мәселені қолға алып карастыруынызды сұраймын.Жаңбыр жауса балуан шолақ көшесінде машина тұрмақ жазу адамға жүруі мүмкін емес. Енді болмаса облыс әкімі Амандық Баталов мырзаның карастыруын сұраймыз осы мәселені

    • 5 06 2018
    Жауапты көру

    Сарқан ауданының әкімдігі Сіздің Балуан Шолақ көшесін жөндеу жұмыстары бойынша өтінішіңізге Сарқан қаласының көше жолдарының ағымды жөндеу жұмыстарына 2018 жылға қаражат бөлініп, Сарқан қаласының көше жолдары, соның ішінде Балуан Шолақ көшесі ағымдағы жылдың жаз айларында жоспарға сәйкес жүргізілетіні туралы жауап қайтарылғанын хабарлайды. Сарқан қаласының көше жолдарын ағымды жөндеу жұмыстарының мерзімі 2018 жылдың мамыр – тамыз айлары. Осыған байланысты, Балуан Шолақ көшесінің ағымды жөндеу жұмыстары жоспар бойынша ағымдағы жылдың 30 тамызына дейін жүргізіледі. 

     

  • Акимбаева Гульфия

    Ерғазы Қошанбекұлы! Сізге өзімнің ұлым 2015 жылы туылған Еділхан Алихан Ерсінұлы 2017 жылдың ақпан айында химиялық сүйықтық ішіп, өңеші күйіп, тамақ ішеалмай қалған болатын. Сол себепті, Қазақстан Республикасының барлық емханаларына барып, балам үшін ем іздеп, дерт таппадым. Балам Алматы, Астана қалаларындағы ауруханаларында 48-рет наркоз алып, жақсы болмады. Осыған орай Сарқан ауданының орталық ауруханасының бас дәрігері Шұлғаубаев Алтай Камиевичтің арқасында прафесор Мұхтар Нұрлан Арынұлын Сарқан ауданының орталық ауруханасына шақыртып ағымдағы жылдың наурыз айының 3 күні 4 сағаттықа созылған күрделі ота жасалынды. Ота тегін жасалынды. Ота жасауға осы аурухананың бас дәрігер Шұлғаубаев Алтай Камилевич және білікті хирург мамандары да қатысты. Кәзіргі таңда баламның денсаулығы жақсарып келеді. Өздігінен тамақ ішіп, үйге шықты. Кәзіргі таңда балам дәрігерлердің бақылауында. Осы күрделі ота жасаған дәрігерлерді (Мұхтар Нұрлан Арынұлын, Шұлғаубаев Алтай Камилевич, Булегенов Мұрат Айтмұханович, Мукреев Рүстем Ерікұлы, Уаканов Біржан Жәнібекович, Байжанов Олжасты) өз тарапыңыздан марапатауыңызды сұраймын.

    • 12 04 2018
    Жауапты көру
    Құрметті Гульфия!
    Балаңыздың денсаулығына саулық тілеймін. Адам жанына араша болып жүрген ақ халатты абзал жандардың еңбектерінің зор екені баршаға мәлім. Алдағы уақытта да денсаулық сақтау ісін тиімді ұйымдастырып, халыққа көрсетіп отырған дәрігерлік көмек көлемі мен сапасын жақсартып, қойған мақсаттар мен міндеттерді абыроймен, жоғары нәтижемен атқарады деп сенім білдіремін. Сондай – ақ, Сіздің аудандық орталық аурухана дәрігерлерін марапаттау жөніндегі ұсынысыңыз назарға алынатынын хабарлаймын.
  • Мадина

    Салеметсизбе Кошанбеков Ергазы Кошанбекович. 7 Наурыз күні қабылдаған заң бойынша микрокредит алайын деген едім 6% пайызбен жеке шаруашылығын бастағанға 500 мың көлемінде қаржы алайын деген едім.Ол үшін қандай құжаттар керек сіздерге барып өтініш жазуым керек па?

    • 19 03 2018
    Жауапты көру

    Сарқан ауданы әкімінің аппараты мемлекеттік мекемесі Сіздің жолдаған сұрағыңызға байланысты төмендегіні хабарлайды:

    Қазақстан Республикасы Президенті Н.Назарбаевтың «Президенттің бес әлеуметтік бастамасы» атты халыққа үндеуінің 4-ші бастамасына сәйкес, өзін-өзі еңбекпен қамтыған және жұмыссыз тұрғындардың арасында жаппай кәсіпкерлікті дамыту үшін атқарылып жатқан жұмыстардың аясында жеңілдетілген шағын несие беру неғұрлым тиімді тетік болып саналатынын атап өтті. Егер, Сіздің қол жетімді 6% несие алып жеке шаруашылық бастағыңыз келсе, онда міндетті түрде «Сарқан ауданы әкімдігінің халықты жұмыспен қамту орталығы» коммуналдық мемлекеттік мекемесіне барып жұмыссыз ретінде тіркеліп, сонымен қатар “Бастау Бизнес” жобасы бойынша кәсіпкерлік негіздерін оқу курстарын тәмамдап, арнайы сертификат алуыңыз қажет.

    Жұмыспен қамту орталығына тіркелгеннен кейін, Сіз несие алу үшін «Ауыл шаруашылығын қаржылай қолдау қоры» Акционерлік қоғамына жолданып, аталған мекеменің несие менеджері қажетті құжаттар тізбесін беретін болады.

    «Сарқан ауданы әкімдігінің халықты жұмыспен қамту орталығы» коммуналдық мемлекеттік мекемесінің орналасқан жері Сарқан қаласы, Тәуелсіздік, 117, телефон номері 8(72839) 22265.

Бейне роликтер